विशाल जुन्नर सेवा मंडळाच्या फार्मसी महाविद्यालयात विशाल फार्मोत्सवानिमित्त रक्तदान शिबिर संपन्न

आळेफाटा -( दि २२) प्रतिनिधी विशाल जुन्नर सेवा मंडळाच्या इन्स्टिट्युट ऑफ फार्मसी, इन्स्टिट्युट ऑफ फार्मसी फॉर वूमेन्स,विशाल इन्स्टिट्यूट ऑफ फार्मास्युटिकल एज्युकेशन अँड रिसर्च आळे, महाविद्यालयामध्ये आदरणीय शरदचंद्रजी पवार साहेब यांच्या प्रेरणेतून विशाल फार्मोत्सव 2024 ची सुरुवात रक्तदान शिबिराने करण्यात आली.या कार्यक्रमासाठी पुणे जिल्हा परिषद माजी उपाध्यक्ष मा. श्री शरदराव लेंडे साहेब, आळेगाव चे उपसरपंच मा. श्री विजय कुऱ्हाडे, विशाल जुन्नर सेवा मंडळाचे माजी अध्यक्ष मा. श्री अशोकशेठ सोनवणे,सीइओ डॉ. डी डी गायकवाड सर, प्राचार्य डॉ जाधव सर, डॉ हांडे मॅडम, जाधव मॅडम आदी मान्यवर, शिक्षक व शिक्षकेतर कर्मचारी उपस्थित होते. मान्यवरांच्या शुभहस्ते दीपप्रज्वलन करून कार्यक्रमाचे उद्धाघटन करण्यात आली.महाविद्यालयाच्या वतीने उपस्थित मान्यवरांचे सत्कार करण्यात आले. रक्तदान सर्वश्रेष्ठ दान याविषयी मा. श्री विजयशेठ कुऱ्हाडे व मा.श्री अशोकशेठ सोनवणे यांनी विद्यार्थ्यांना मार्गदर्शन केले.आयोजित रक्तदान शिबिरासाठी विद्यार्थ्यांनी उस्फुर्त प्रतिसाद दिला. शिबिरा दरम्यान एकूण 90 ब्लड बॅग च संकलन करण्यात आल.रक्तदान शिबिरासाठी पूना ब्लड बँक सेंटर, नारायणगाव यांचे विशेष सहकार्य लाभले. प्रा.आश्लेषा चिंचवडे यांनी कार्यक्रमाचे सूत्रसंचालन केले व प्रा.अनुराधा जाधव यांनी उपस्थितांचे आभार मानले.