पिंपळवंडी ( दि २०) प्रतिनिधी
पिंपळवंडी ( ता.जुन्नर) येथे अज्ञात चोरट्यांनी बंद घराचे कुलुप तोडून घरामधील कपाटात असलेले सोन्याचे दागिने व रोख रक्कम असा एकूण सात लाख रूपयांचा ऐवज चोरून नेली असल्याची घटना रविवारी ( दि १९) दुपारी दोन वाजण्याच्या सुमारास घडली
याबाबत मिळालेली माहिती अशी की येथील मनोहर फुलसुंदर विक्रम फुलसुंदर व त्यांची आई ललिता फुलसुंदर हे सर्वजण काल रविवारी सकाळी न ऊ वाजता घराला कुलुप लाऊन बाहेरगावी गेले होते दुपारी चार वाजता ते सर्वजण घरी आले असता त्यांना घराचा दरवाजा उघडा असलेला दिसला त्यांनी घरात जाऊन पाहिले असता त्यांना बेडरूममध्ये असलेल्या कपाटामधील साहित्य अस्ताव्यस्त पडलेले दिसले लोखंडी कपाट उचकटून त्या कपाटामधील दोन लाॅकरमधील एक लाख दोन हजार रूपयांची रोख रक्कम एक लाख पंचवीस हजार रुपये किमतीचे अडीच तोळे वजनाचे सोन्याचे मंगळसूत्र २.७९ ग्रॅम वजनाचा सोन्याचा हार तिन ग्रॅम वजनाची सोन्याची अंगठी १७.५ ग्रॅम वजनाची सोन्याची चेन ५ ग्रॅम वजानाची अंगठी १९.६३ ग्रॅम सोन्याची चैन २१ ग्रॅम वजनाची पिळ्याची चैन असा एकून सहा लाख त्र्याऐंशी हजार रुपये किमतीचा ऐवज चोरट्यांनी चोरून नेला
याबाबतची फिर्याद विक्रम फुलसुंदर यांनी आळेफाटा पोलिस ठाण्यात दिली या घटनेची माहिती मिळाल्यानंतर पोलिस उपनिरिक्षक सुनिल बडगुजर यांनी घटनास्थळी भेट देऊन पंचनामा केला या प्रकरणी अज्ञात चोरट्यांच्या विरोधात गुन्हा दाखल करण्यात आला असून पुढील तपास आळेफाटा पोलिस स्टेशनचे पोलिस निरीक्षक सतिष होडगर यांच्या मार्गदर्शनाखाली पोलिस उपनिरिक्षक रागिनी कराळे करत आहेत
