आळेफाटा ( दि १०) – प्रतिनिधी
आळे( ता जुन्नर ) येथील आगरमळा शिवारात शिवांज मनोज भुजबळ या तीन वर्षाच्या मुलावर बिबट्याने हल्ला केला त्यामध्ये या मृत्यू झाला असल्याची घटना सोमवारी ( दि ९) सायंकाळी साडेपाच वाजण्याच्या सुमारास घडली
जुन्नर तालुका हा बिबट्या प्रणवक्षेत्र असलेला तालुका असून तालुक्यात बिबट्यांचा वावर मोठ्या प्रमाणात आहे बिबट्याकडून पाळीव प्राणी व माणसांवर सातत्याने हल्ले होत असतात अशीच घटना आळे(ता.जुन्नर) येथील आगरमळा शिवारात घडली आहे येथील अमोल भुजबळ यांचा मुलगा शिवांज ( वय ३ वर्ष)हा अंगणात आजोबा निवृत्ती भुजबळ यांच्या बरोबर खेळत असताना अचानक घरा समोरील ऊसाच्या शेतातुन आलेल्या बिबट्याने या बालकावर हल्ला करत त्याच्या मानेला पकडुन बाजूच्या उसाच्या शेतात नेले त्या ठिकाणी असलेल्या नागरिकांनी आरडाओरडा केल्याने या ठिकाणी असलेल्या अविनाश गडगे या तरूणाने मोठी हिम्मत दाखवत बिबट्याच्या मागे पळत जाऊन त्या मुलाला बिबट्याच्या हल्ल्यातुन सोडवले .त्यानंतर जखमी अवस्थेत असलेल्या शिवांशला उपचारासाठी आळेफाटा येथील एका खाजगी दवाखान्यात उपचारासाठी दाखल करण्यात आले येथील डॉक्टरांनी शिवांजला वाचवण्याचा प्रयत्न केला पण अखेर उपचारादरम्यान शिवांज याची प्राणज्योत मानवली.
घटनास्थळी ओतुर वनपरिक्षेत्र अधिकारी व्हि.एम.काकडे,आळेफाटा पोलीस स्टेशनचे पोलीस निरीक्षक यशवंत नलावडे,सहाय्यक पोलीस निरीक्षक सुनील बडगुजर यांणी भेट देऊन पंचनामा केला आहे
जुन्नर तालुक्यामध्ये मोठ्या प्रमाणामध्ये बिबट्याचे हल्ले वाढले असून सध्या मानवावरती मोठ्या प्रमाणात हल्ले होत असताना बिबट्याची समस्या सध्या गंभीर असल्याचे दिसून येत आहे
दरम्यान आळे परीसरात दिवसेंदिवस बिबटयाचे हल्ले वाढतच चालले असुन दररोज नागरीकांना बिबट्याचे दर्शन होत असुन पाळीव प्राण्यांवर हल्ले होत आहे.नागरीकांणा घराबाहेर पडायची भिती वाटली लागली आहे. चारच दिवसांपुर्वी आगरमळा येथील एका दुचाकीस्वारावर बिबट्याने हल्ला केला होता यामध्ये थोडक्यात तो वाचला आहे.या परिसरात बिबट्यांची संख्या जास्त प्रमाणात असल्याने या बिबट्यांणा पकडण्यासाठी वन विभागाने पिंज-यांची संख्या वाढवावी अन्यथा आळे ग्रामस्थांच्या वतीने आळेफाटा येथील चौकात आंदोलन व रास्ता रोको केला जाईल असा कडक इशारा जिल्हा परिषदेचे माजी सदस्य प्रसन्न डोके यांणी दिला आहे.
