पिंपळवंडी -( दि १६) प्रतिनिधी
पिंपरीपेंढार येथे बिबट्याने महिलेवर हल्ला करुन ठार केले होते या घटनेनंतर वनखात्याने बिबट्याला जेरबंद करण्यासाठी ठिकठकाणी पिंजरे लावले होते यापूर्वी एका बिबट्याला पिंज-यात जेरबंद करण्यात वनखात्याला यश आले होते त्यानंतर बुधवारी ( दि १६) सकाळी पुन्हा दुसरा बिबट्या जेरबंद करण्यात आला आहॆ
पिंपरीपेंढार येथील पीरपट शिवारात बुधवारी ( दि९) पहाटेच्या सुमारास सुजाता रवींद डेरे या बेचाळीस वर्षीय महिलेवर बिबट्याने हल्ला करुन ठार केले होते या घटनेनंतर वनखात्याने बिबट्यांना पकडण्यासाठी तात्काळ मोहिम हाती घेतली होती नरभक्षक बिबट्याला पकडण्यासाठी घटनास्थळाच्या परिसरात आठ तर पिंपरीपेंढार शिवारात बावीस असे एकूण तीस पिंजरे लावण्यात आले होते तसेच बिबट्याचा शोध घेण्यासाठी घटनास्थळाच्या आजूबाजूला पंधरा ट्रॅप कॅमेरे लावण्यात आले होते या नरभक्षक बिबट्याला पकडण्यासाठी सुमारे शंभर वनकर्मचारी तैनात करण्यात आले होते दरम्यान शुक्रवारी ( दि ११) पहाटेच्या सुमारास घटनास्थळापासून पाचशे फूट अंतरावर लावलेल्या पिंज-यात सहा वर्ष वयाच्या नर जातीच्या बिबट्याला जेरबंद करण्यात वनखात्याला यश आले होते त्यानंतर आज बुधवारी सकाळी घटनास्थळापासून सुमारे चारशे फूट अंतरावर लावलेल्या पिंज-यात पाच वर्ष वयाचा नर जातीचा बिबट्याला जेरबंद करण्यात आले सदर पकडलेला बिबट्याला माणिकडोह येथील बिबट्या निवारण केंद्रात हलविण्यात आले असल्याची माहिती वनपरीक्षेत्र अधिकारी प्रदीप चव्हाण यांनी दिली
